ده‌سته‌ی پاراستن و چاككردنی ژینگه‌
به‌ هاوكاری رێكخراوی هه‌ناسه‌ی سروشت و هه‌ستیار، هه‌ڵمه‌تی هۆشیاری له‌ قوتابخانه‌كانی كۆیه‌ ئه‌نجامئه‌دات
   
(8/2/2015)



ده‌سته‌ی پاراستن و چاككردنی ژینگه‌ به‌ ئامانجی به‌ بڵاوكردنه‌وه‌ی په‌روه‌رده‌ی ژینگه‌یی به‌ هاوكاری رێكخراوی هه‌ناسه‌ی سروشت و رێكخراوی هه‌ستیار، هه‌ڵمه‌تی هۆشیاری له‌ باخچه‌ی ساوایان و قوتابخانه‌كانی قه‌زای كۆیه‌ ئه‌نجامئه‌دات.
لوقمان شێروانی وته‌بێژی ده‌سته‌ی پاراستن و چاككردنی ژینگه‌ تایبه‌ت به‌ ماڵپه‌ری ژینگه‌ راگه‌یاند،ئێمه‌ پرۆژه‌ی هۆشیاری په‌روه‌رده‌یی ژینگه‌ییمان بۆ (20)قوتابخانه‌ و باخچه‌ی ساوایان له‌ قه‌زای كۆیه‌ هه‌یه‌.له‌م هه‌ڵمه‌ته‌ قوتابیان هۆشیار ده‌كرێنه‌وه‌ به‌ پاراستن و گرنگی ژینگه‌ له‌ ژیانی ئێستا و ئاینده‌ی مرۆڤ. ئه‌وه‌شی خسته‌روو،ئێمه‌ به‌ گرنگی ده‌زانین نه‌وه‌كانی دوا رۆژی میلله‌ته‌كه‌مان له‌ ئێستاوه‌ په‌روه‌رده‌یی ژینگه‌یی بكرێن،چونكه‌ ژینگه‌یه‌كی ته‌ندروست ،مرۆڤێكی ته‌ندروست و سه‌لامه‌ت بۆ بونیاد ده‌نێت.
پرۆژه‌كه‌ له‌ رۆژی7 /2/2015 ه‌وه‌ ده‌ستی پێ كردووه‌ و بریاره‌ زۆربه‌ی قوتابخانه‌ و باخچه‌ی ساوایانی قه‌زای كۆیه‌ و ناحیه‌ی ته‌قته‌ق بگرێته‌وه‌ و به‌شێوه‌ی ئه‌فلام كارتۆن و وێنه‌ی جۆراوجۆر، ژینگه‌پارێزی بۆ قوتابیان روون بكرێته‌وه‌ تا قوتابیان ئاشنای گرنگی و پارستنی ژینگه‌ بن.