کویشک    
(24/2/2015)



ئا: رێبەر عەبدولا

ئەڤ جورە گیاندارە ل ناڤ دارستان و چیاو دەشتاش دژیت ناڤێ زانستیێ ئەڤێ گیاندارەی (mustela martes)یە،کویشک ب گیاندارەکێ فێلباز وەکی هەڤالێ خو رویڤی ب دوژمنێ مریشکا تێتە ناسین، ئەڤ گیاندارە دەست و پێ یێت وێ دکورتن و پەنجێت وێ د درێژن پێدوەستیت بچیتە سەر دارا و دکونێت تەسکرا بچیتە ژور، پویتێ وێ یێ هویر و نەرمە و دویلکێ وێ یێ درێژە بەرحەفکا وێ پنیەکا سپییە دەنگێ وێ چیزینە چاڤ و گوهێت وێ دخوشن و ددانێت وێ گەلەک د تیژن،ئەڤ گیاندارە ب شەڤ و روژ دەردکەڤیت واتە ل سپێدێ زوی و ل نیڤەشەڤا،هەروەتوڤ ئەڤ گیاندارە دناڤ قولکێت دارادا و کونێت عاسیێت بەرادا دژیت و بو غاردانێ گەلەکێ سڤێکە و کەڤلێ وێ نە هند یێ ستویرە بەلێ ب کەڤلەکێ گران بەها یێ هاتیە ناسین و خارنا ئەڤێ گیاندارەی گوشتە وەکی مریشک و سمورە و کرویشک و مشک و جورج و تەیروتەوالا،هەروەتوڤ ئەڤێ گیاندارە فیقیش دخوت وەکی هژیر و تری و دریا و گندورا بەلێ خارناسەرەکی گوشتە.

ئاڤزبوینا ئەڤێ گیاندارەی 7هەتا8 هەیڤایە کو 4هەتا 5 کێشکا تینیت و کێشکێت وان شیرێ دایکا خو دخون و هەتا 3هەیڤا پاشی دگەل دایکا خو نێچیرێ دکەن و خارناخو بڤێ رێکێ پەیدا دکەن و نەردەوامیێ ب ژیانێ ددەن .

ئەڤ گیاندارە ل کوردستانێ ب گشتی و دەڤەرا بارزان ب تایبەتی ل هەرچار وەرزێت سالێ بەرچاڤ دکەڤیت و ئەڤ گیاندارە زور جێ خوناگوریت و نێر و مێ یا گەلەک کەیف ب ئێکو دوو تێت ئەگەر یا مێ دەرکەڤیت ئەڤە ئەرکێ یێ نێرە چاڤدێریا کێشکێت خو بکەت، هەردوک واتە نیر و مێ ب هویری چاڤدێریا کێشکێت خو دکەن هەتا مەزن دبن و فێرە نێچیرێ دبن.