فه‌رمانگه‌ی هۆشیاری و راگه‌یاندن
سیمیناری ژینگه‌پارێزی له‌ قوتابخانه‌ی ئازادی كوڕان ساز كرد
   
(7/12/2014)



فه‌رمانگه‌ی هۆشیاركردنه‌وه‌ی ژینگه‌یی و راگه‌یاندن له‌ ده‌سته‌ی پاراستن و چاككردنی ژینگه‌ به‌ ئامانجی بڵاوكردنه‌وه‌ی په‌روه‌رده‌ی ژینگه‌یی سیمینارێكی له‌ قوتابخانه‌ی ئاماده‌یی ئازادی كوڕان له‌ هه‌ولێر ساز كرد.
مۆفه‌ق جه‌وهه‌ر به‌رپرسی هۆبه‌ی هۆشیاری به‌روه‌رده‌یی له‌ ده‌سته‌ی پاراستن و چاككردنی ژینگه‌ به‌ په‌یچی ماڵپه‌ری ژینگه‌ی راگه‌یاند،ئێمه‌ له‌ زۆربه‌ی قوتابخانه‌كان یانه‌ی ژینگه‌ییمان هه‌یه‌ به‌ ئامانجی په‌روه‌رده‌ كردنی ژینگه‌یی بۆ قوتابیان . ئه‌مرۆ 7/12/2014 له‌ یانه‌ی ژینگه‌ی قوتابخانه‌ی ئازادی كوڕان له‌ هه‌ولێر سیمینارێكمان سازكرد.
ئاماژه‌ی به‌وه‌ش كرد، سیمیناره‌كه‌ له‌لایه‌ن لوقمان شێروانی راهێنه‌ر له‌ گه‌شه‌پێدانی مرۆیی و ژینگه‌یی پێشكه‌ش كرا و چه‌ندین رێنمایی تایبه‌ت به‌ پاراستنی ژینگه‌ خرایه‌روو بۆ قوتابیان. ئه‌وه‌شی وت " چه‌ندین پۆسته‌ر و رێنمایی و بڵاوكراوه‌ی ژینگه‌یی به‌ قوتابیان دراوه‌ بۆ ئه‌وه‌ی تاكێكی ژینگه‌پارێز بن له‌ ئێستا و ئاینده‌یاندا. ئه‌وه‌شی وت" چه‌ندین كاسكێت و تیشیریتی ژینگه‌ییمان به‌ قوتابیان داوه‌ وه‌كو هێمایه‌ك بۆ كه‌لتووری ژینگه‌پارێز له‌ كوردستان ".
شیاوی وتنه‌ زۆربه‌ی پسپۆرانی بواری ژینگه‌ ئاماژه‌ به‌وه‌ ده‌كه‌ن، پارێزگاری له‌ ژینگه‌ پێویستی به‌ كه‌لتوور و په‌روه‌رده‌ی ژینگه‌یی هه‌یه‌ و گرنگه‌ له‌ قوتابخانه‌كانه‌وه‌ ده‌ست پێ بكرێت. بۆیه‌ ده‌سته‌ی پاراستن و چاككردنی ژینگه‌ گرنگێكی زۆر به‌ په‌روه‌رده‌ی ژینگه‌یی ئه‌ده‌ن.