خولێكی تایبەت بە خانمان لە بواری ژینگەدا.    
(19/10/2014)



رێكخراوی ئایندە بۆ پاراستنی ژینگە بەهاوبەشی لەگەڵ . دەستەی پاراستن و چاككردنی ژینگەی هەرێم و رێكخراوی ئەمەك بۆ پرسی ئەنفال، زنجیرەیەك خولی تایبەت بە رێكخراوەكانی تایبەت بە ئافرەتان لە سنوری چەمچەماڵ ئەنجام دەدات.
مەعروف مەجید سەرۆكی رێكخراوی ئایندە بۆ پاراستنی ژینگەو سەر پەرشتیاری خولەكە وتی " لەگەڵ بەشێك لە رێكخراوەكانی تایبەت بە ئافرەتان دەستمان كردووە بەئەنجامدانی خولەكە سه‌ره‌تا له‌ رێكخراوی خوشكانی كۆمەڵی ئیسلامی دەستمان پێكردووە سەرتا وانەیەكی تایبەت لەسەر زانیاری ژینگەیی بۆخانمان پێشكەش كرا و نامیلكەیەكی تایبەتیش كە لەلایەن دەستەی پاراستن و چاككردنی ژینگەوە بڵاوكراوتەوە بەسەریان دا دابەشكرا، ئەو خوڵانە بۆ رێكخراوەكانی تریش ئەنجام دەدرێت لە كۆتایشدا بۆسەرجەم بەشداربوان خولێكی راهێنان ئەنجام دەدرێت كە تێیدا بەشداربوان لەسەر چۆنێتی بەكار هێنانەوە ئەو كەلوپەلانەی رۆژانە بەكاردەهێنرێن و پاشان فرێ‌ دەدرێت هەوڵدەدرێت بەشداربوان بتوانن كەلوپەلی جوانكاری لێدروست بكەن بەتایبەتی لە بواری خزمەتكردن بە ژینگەدا، دواتر لە پێشانگایەكی تایبەت نمایش دەكرێن و لە كۆتایی خولەكەشدا بروانامە بەسەر بەشداربوان دا دابەشدەكرێت