قوربه‌شه‌    
(9/6/2014)



ئا : رێبه‌ر عه‌بدولا

قوربه‌شه‌ گیانداره‌كێ‌ كیڤیه‌ و ناڤێ‌ ویێ‌ زانستی meles meles ل ده‌شت و چیایا یێ‌ هه‌ی ، ره‌نگێ‌ پویتێ‌ ئه‌ڤێ‌ گیانداره‌ی یێ‌ ره‌ش و سپییه‌ و پیچه‌ك تام قه‌هوه‌ییه‌ و دویلكێ‌ وێ‌ یێ‌ قوته‌ هه‌تا هه‌شت سانتیمان دبیت و ده‌ست و پێت وێ‌ زور ب هێزن و چه‌رمێ‌ وی َ یێ‌ ستور و مكومه‌ ل وه‌رزێ‌ زستانێ‌ دا ئه‌ڤ جوره‌ گیانداره‌ یان قوربه‌شه‌ (٤) هه‌یڤا د جهێ‌ خودا دنڤیت و به‌زێ‌ خو وه‌كی خارن بكارتینیته‌ڤه‌ ، هه‌روه‌كی مه‌ ئاماژه‌ پێدای كو ئه‌ڤێ‌ گیانداره‌ بو ده‌مه‌كێ‌ درێژ خارنێ‌ ب كار نائینیت له‌وما ئه‌ڤێ‌ گیانداره‌ به‌زێ‌ خو بو ڤێ‌ ده‌مێ‌ درێژ ب كارتینته‌ڤه‌ وه‌كی خارن ، چینه‌كێ‌ ستویر دبن چه‌رمێ‌ خودا چێدكه‌ت ئه‌ڤه‌ش وه‌تكه‌ت كو دلێ‌ وێ‌ و ئه‌ندامێت له‌شێ‌ وێ‌ ب ته‌مامی هه‌تا وه‌رزێ‌ به‌هارێ‌ كاربكه‌ت و نه‌مریت.
ئه‌گه‌ر ئه‌م به‌رێ‌ خو بده‌ینه‌ ئه‌ڤێ‌ گیانداره‌ی دێبینین كو خه‌تێت ره‌ش و سپی ل ستوكرا وێ‌ هه‌تاسه‌رێ‌ دفنا وێ‌ یێت هه‌ی و ب خه‌ته‌كا به‌رفره‌ دهێته‌ دیتن ، ئه‌ڤێ‌ گیانداره‌ ل ره‌خێ‌ پشتێڤه‌ چه‌رمه‌كێ‌ ستویر یێ‌ هه‌ی و چه‌رمێ‌ بن زك و ته‌نشتا یێ‌ نه‌رمه‌ و چاڤێت ڤێ‌ گیانداره‌ی د هویرن و نزیكی ده‌ڤێ‌ ونه‌ و گوچكێت وێ‌ د كورتن ده‌نگێ‌ وێ‌ یێ‌ ب قیژیه‌ ب گیانداره‌كێ‌ شه‌ڤ گه‌روك دهێته‌ ناسین ، ئه‌ڤی‌‌‌َ گیانداره‌ مالاوێ‌ شكه‌فت و كونه‌ به‌رێت عاسینه‌ هه‌رگاڤ مالاخو ب دوو ته‌به‌ق چێدكه‌ت ،چونكی بومالاخو گه‌له‌كێ‌ پاكژه‌ و پاشه‌رویێ‌ خو ل ده‌رڤه‌ی مالاخو كوركه‌كێ‌ د كولیت و بن ئاخ دكه‌ت ئانكو دنخێڤیت ،هه‌روه‌توڤ جورێت ئه‌ڤان گیاندارا ب تایبه‌ت ره‌گه‌زێ‌ نێر و مێ‌ زور كه‌یف ب ئێك و دو تێت .
خارنا قوربه‌شه‌ی گوشته‌ وه‌كی گوشتێ‌ بالندا و كرویشكا و سمورا و مریشكا و هه‌روه‌توڤ فیقیش د خون چیێ‌ كویڤی یان خومالی بیت، ئه‌ڤێ‌ گیانداره‌ 8 مانگا ئاڤزبوینه‌ و ل نیسان و گولانێ‌ 2هه‌تا3 كێشكا تینیت و كێشك ب شرێ‌ دایكا خو مه‌زن دبن هه‌تا پیچ پیچه‌ ب سه‌ر پێیا دكه‌ڤن پاشی ب خو خو بخودان دكه‌ن .
هه‌ژی گوتنێیه‌ كو ل كوردستانێ‌ بگشتی و ده‌ڤه‌را بارزان ب تایبه‌تی ئه‌ڤ جوره‌ گیانداره‌ یێ‌ به‌ربه‌لاڤه‌ و ل ره‌خ هه‌مێ‌ گیاندارێت دی ئه‌ڤ جوره‌ گیانداره‌ش راڤكرنا وێ‌ یا قه‌ده‌غه‌یه‌ مه‌ره‌م ل قه‌ده‌غه‌كرنا وان جوانكرنا سروشت و هه‌ڤسه‌نگیا ژینگه‌یه‌ .