فه‌رمانگه‌ی هۆشیاری و راگه‌یاندن
سیمیناری ژینگه‌پارێزی له‌ قوتابخانه‌ی ئاماده‌یی سه‌روه‌رانی كچان ئه‌نجامدا
   
(8/12/2014)



فه‌رمانگه‌ی هۆشیاركردنه‌وه‌ی ژینگه‌یی و راگه‌یاندن له‌ ده‌سته‌ی پاراستن و چاككردنی ژینگه‌ له‌ پێناو پێگه‌یاندنی نه‌وه‌یه‌كی هۆشیار و ژینگه‌پارێز سیمیناری رۆڵی گه‌نجان له‌ پاراستنی ژینگه‌ له‌ قوتابخانه‌ی ئاماده‌یی سه‌روه‌رانی كچان له‌ هه‌ولێر ساز كرد.

مۆفه‌ق جه‌وهه‌ر به‌رپرسی هۆبه‌ی هۆشیاری به‌روه‌رده‌یی له‌ ده‌سته‌ی پاراستن و چاككردنی ژینگه‌ به‌ په‌یچی ماڵپه‌ری ژینگه‌ی راگه‌یاند،ئێمه‌ له‌ زۆربه‌ی قوتابخانه‌كان یانه‌ی ژینگه‌ییمان هه‌یه‌ به‌ ئامانجی په‌روه‌رده‌ كردنی ژینگه‌یی بۆ قوتابیان . ئه‌مرۆ 8/12/2014 له‌ یانه‌ی ژینگه‌ی قوتابخانه‌ی ئاماده‌یی ئاماده‌یی سه‌روه‌رانی كچان له‌ هه‌ولێر سیمینارێكمان سازكرد.

سیمیناره‌كه‌ له‌لایه‌ن وه‌زیره‌ موحه‌ممه‌د راهێنه‌ر له‌ گه‌شه‌پێدانی مرۆیی و ژینگه‌یی به‌ ناونیشانی (رۆڵی گه‌نجان له‌ پاراستنی ژینگه‌) پێشكه‌ش كرا و چه‌ندین رێنمایی تایبه‌ت به‌ پاراستنی ژینگه‌ به‌ قوتابیان دراوه‌.

ئه‌وه‌شی وت " چه‌ندین پۆسته‌ر و رێنمایی و بڵاوكراوه‌ی ژینگه‌یی و كاسكێت و تیشیریتی ژینگه‌ییمان به‌ قوتابیان دراوه‌ بۆ ئه‌وه‌ی تاكێكی ژینگه‌پارێز بن ،چونكه‌ ژینگه‌ په‌یوه‌سته‌ به‌ ژیانی ئێستا و ئاینده‌ی مرۆڤ.

شیاوی وتنه‌ زۆربه‌ی پسپۆرانی بواری ژینگه‌ ئاماژه‌ به‌وه‌ ده‌كه‌ن، پارێزگاری له‌ ژینگه‌ پێویستی به‌ كه‌لتوور و په‌روه‌رده‌ی ژینگه‌یی هه‌یه‌ و گرنگه‌ له‌ قوتابخانه‌كانه‌وه‌ ده‌ست پێ بكرێت. بۆیه‌ ده‌سته‌ی پاراستن و چاككردنی ژینگه‌ گرنگێكی زۆر به‌ په‌روه‌رده‌ی ژینگه‌یی ئه‌ده‌ن.