نه‌سته‌له‌ زیان به‌ منداڵه‌که‌ت ده‌گه‌یه‌نێت    
(21/8/2013)



ئاشكرایه‌ كه‌ نابێت ئه‌و منداڵانه‌ی ته‌مه‌نیان له‌ یه‌ک ساڵ که‌متره‌ نه‌سته‌لیان بدرێتی، به‌ڵام منداڵی ته‌مه‌ن یه‌ک ساڵ و گه‌وره‌تر ده‌توانن نه‌سته‌له‌ بخۆن به‌ڵام به‌ ڕێژه‌یه‌کی که‌م چونکه‌ زیانیان پێده‌گه‌یه‌نێت.

منداڵ له‌ته‌مه‌نی كه‌متر له‌یه‌ك ساڵ، ته‌نها شیری دایک ده‌خوات، ئه‌مه‌ش واده‌کات گه‌ده‌ی نه‌توانێت هه‌موو ماده‌یه‌ک به‌ ئاسانی هه‌رس بکات که‌ نه‌سته‌له‌ش یه‌کێکه‌ له‌و خواردنانه‌ی هه‌رس کردنی ئاسان نییه‌.

هه‌روه‌ها نه‌سته‌له‌ مادده‌ی کافاینی تێدایه‌ که‌ کار له‌ خه‌وی منداڵ ده‌کات هه‌روه‌ها کار له‌ به‌رنامه‌ی خواردنه‌کانیشی ده‌کات به‌وه‌ی که‌ زوو به‌نه‌سته‌له‌ تێر ده‌بێت و توانای خواردنی تری نامێنێت به‌مه‌ش گه‌شه‌ کردنی لاواز ده‌بێت.

نه‌سته‌له‌ زیانی زۆر ده‌گه‌یه‌نێت به‌ ددانی منداڵ به‌تایبه‌تی که‌ شۆردنی ددانی منداڵ ئاسان نیه‌، بۆیه‌ ڕێگا به‌ گه‌شه‌ کردنی به‌کتریا ده‌دات له‌سه‌ر ددانه‌کانی و توشی کلۆر بون و ڕه‌ش بوونه‌وه‌ دێن.

زۆرجار به‌هۆی نه‌سته‌له‌ منداڵ تووشی سکچوون ده‌کات یا نه‌خۆشی هه‌وکردن ده‌بێت، بۆیه‌ له‌م کاته‌دا ده‌بێت سه‌ردانی پزیشکی تایبه‌تی بکرێت.